এই পৃষ্ঠাটোৰ বৈধকৰণ হৈছে
বাজে শিঙ্গা শঙ্খৰ নিস্বান।
কংস বধিতে কৰিলা প্ৰয়াণ॥
ৰথে চৰি লৰিলা মুৰাৰি।
পৰি পৰি কান্দে গোপনাৰী॥
হৰিৰ বিৰহে দেহা তাৱে।
যেন ভৈল বাতুল স্বভাৱে॥
কৃষ্ণ কৃষ্ণ বুলি গেৰি দেয়।
আমাৰ প্ৰাণক কোনে নেয়॥
ক্ৰুৰ অক্ৰুৰ ভৈল বৈৰী।
জীৱ কাঢ়ি নেয় কেন কৰি॥
কিনো হৰি নিদাৰুণ ভৈল।
গোকুল অনাথ কৰি গৈল॥
কৃষ্ণ বিনে কি কৰে জীৱনে।
আউৰ কোনে যাইবে বৃন্দাবনে॥
প্ৰভাতে ৰাখিবে কোনে ধেনু।
কোনে বাইবে সুললিত বেণু॥
