এই পৃষ্ঠাটোৰ বৈধকৰণ হৈছে
৯৯
অসমীয়া মহাভাৰত।
পাছে ইসিকাৰ বাণে নৰ মহাবল।
ধনু শৰ ৰথ ধ্বজ কাটলা সকল॥৪৪৫
আৰু প্ৰহাৰিলা তাক খৰিকাৰ বাণে।
শৰীৰত পৰি উজাই গৈলা নাকে কাণে॥
নাকে মুখে দম্ভে আতি পীড়া পায়া বৰ।
উলটিয়া দম্ভে ভিৰি দিলেক লৱৰ॥
যৈকে যাই তৈকে লাগি খেদি যাই বাণে।
নাকে মুখে পৰি উজাই থানে থানে॥
হেন দেখি দম্ভৰ ব্যাকুল ভৈল মন।
উলটি নৰৰ পাৱে পশিল শৰণ॥৩৪৭
এৰিলেক দৰ্প দম্ভে তিনি সত্য কৰি।
প্ৰাণী হিংসা এৰিলা সাধুৰ ধৰ্ম্ম ধৰি॥
শিখিলেক যত ৰাজনীতি নিজ বন্ধ।
তেবেসে নৰেও তাৰ ৰাখিলেক কন্ধ॥৪৪৮
যিটো নৰে দম্ভক দিলেক মহাভয়।
পাণ্ডু বংশে তেহেন্তে চিনিবি ধনঞ্জয়॥
নাৰায়ণক চিনিবি কহিলো সাৰে সাৰ।
বিষ্ণু বংশে ভৈলা তেঁহে কৃষ্ণ অৱতাৰ॥৪৪৯
আকে জানি দোৰ্য্যোধন মোৰ বোল কৰ।
কৃষ্ণ ধনঞ্জয়ক যে হেলা পৰিহৰ॥
