এই পৃষ্ঠাটোৰ বৈধকৰণ হৈছে
৯০
উদ্যোগ পৰ্ব্ব।
ডেৱ দিয়া ৰথত চৰিলা দামোদৰ।
পাচত সাত্যকি কৃতবৰ্ম্মা বীৰবৰ॥
আনো যদুবীৰ গণ হস্তী ঘোড়ে চৰি।
দুয়োপাশে কৃষ্ণক চলিলা ৰক্ষা কৰি॥৪০০
মাধৱৰ ৰূপ দেখি নসহয় মনে।
ঘণে ঘণে ফিৰি চাহে ৰাজা দোৰ্যোধনে॥
কৰ্ণক সম্বুধি বোলে শুনা শুনা কৰ্ণ।
ভালেতো ইহাক দেখি ভজে নাৰীগণ॥৪ ১
পৰোক্ষত কহো জানা বচন স্বৰূপ।
কোন বিধি ইহাৰ স্ৰজিলে হেন ৰূপ॥
হেন রূপ আমাৰ নভৈল কি কাৰণে।
এহি বুলি অসন্তোষ কৰে দোৰ্যোধনে॥৪০২
এত হন্তে নগৰত প্ৰবেশিলা হৰি।
অম্ৰাৱতী সম কুৰু নৃপতিৰ পুৰী॥
নগৰৰ তিনি খান দ্বাৰ পৰিহৰি।
সভাৰ দ্বাৰত গই প্ৰবেশিলা হৰি॥৪০৩
দেখি গাৱ চালিলা সমস্তে ৰাজাগণ।
সেহিবেলা আসিলেক সপ্ত ঋষিগণ॥
দেখি ভীষ্মে উঠিয়া কৃষ্ণৰ অনুমতি।
পাদ্য অৰ্ঘ দিলা দোৰ্যোধন সমন্বিতি॥৪০৪
