এই পৃষ্ঠাটোৰ বৈধকৰণ হৈছে
৮৮
উদ্যোগপৰ্ব্ব।
তাৰ আগে বচন বুলিবা নাৰায়ণ।
চাণ্ডালক বেদ যেন শুনায়ৈ ব্ৰাহ্মণ॥
দেখিলেও পাপ, শুনিলেও দোষ পাই।
আক জানি উলটি যায়োক যদুৰাই॥ ৩৯০
বিদুৰৰ বচনক সাধুবাদ কৰি।
অনন্তৰে বচন বুলিলা দেৱহৰি॥
তোমাৰ বচন বেদ বাক্য হেন জানো।
দোৰ্য্যোধনে ৰাজ্য নিদিবেক মনে মানো॥ ৩৯১
তথাপিতো আসিলো পুণ্যক অভিলাষে।
কুৰু পাণ্ডৱৰ যুদ্ধ মিলিব আৱশে॥
তাৰ লগে অসংখ্য নৃপতি কটা যাই।
ৰাখিবাক পাৰিলে সবাৰো পুন্য পাই॥ ৩৯২
যদি মোৰ বচন নকৰে দুষ্টগণে॥
অন্যো অন্যে মৰি যাইবে যমেৰ ভবনে॥
তথাপিতো আসিলো সেহি মহাবল।
কলি যুগে উদ্যোগ মাত্ৰকে পাই ফল॥৩৯৩
এত হন্তে চাৰি বীৰে কৰিলা শয়ন।
বিদুৰ সাত্যকি যে দাৰুক নাৰায়ণ॥
ক্ষণ প্ৰাই ৰজনী তথাতে বিতোপন।
সেই বেলা ভৈলা আসি ৰজনী প্ৰসন্ন॥৩৯৪
