এই পৃষ্ঠাটোৰ বৈধকৰণ হৈছে
৭৪
অসমীয়া মহাভাৰত।
কৃষ্ণক দেখিবে, উভতি চলিল,
সকল নগৰ চানি।
জয় কৃষ্ণ জয়, জোকাৰ মাৰয়,
স্বৰ্গকো লঙ্ঘিল ধ্বনি॥
দুখী ভিক্ষী যত, তেসম্বো চলিল,
দেখিবো সাৰঙ্গ পানী।
অন্ধক নৃপতি, নগৰে ৰহিলা,
দোৰ্য্যোধন মহামানী॥৩৩০
⸻
ছবি।
অনন্তৰে ব্ৰাহ্মণৰ, ভাৰ্য্যাগণ চলি গৈলা
কুল বধু তেসম্বাৰ সঙ্গে।
মহা শান্তি গুৰু যায়া, দ্ৰোণ সমে এক কায়া,
কৃপিয়ো চলিলা বৰ সঙ্গে॥
মাধৱ আসিলা শুনি, কুন্তীও লৱৰ দিলা,
তনু যেন লভিলা প্ৰাণক।
চাহি বাক বাজ ভৈলা, দ্বাৰতে পৰিয়া ৰৈলা,
মহাকোপে দেখিলা যমক॥৩৩১
