এই পৃষ্ঠাটোৰ বৈধকৰণ হৈছে
৬৭
অসমীয়া মহাভাৰত।
ভােজনকো নেদিবো শুকাউক সর্ব্বকাই।
দেখিয়া মহন্তে যেন অপমান পাই ॥২৯৮
বৈসম্পায়ন বদতি শুনিয়ো নৰেশ্বৰ।
হেন শুনি ক্রোধ জলি গৈলেক ভীষ্মৰ॥
সভা মাজে উঠি কোপে কম্পমান কাই।
সনাইত খদগ খান লৈলন্ত ঘঁনাই ॥২৯৯
দোৰ্য্যোধন মুখ চাই মহাকোপে আতি।
মুহুর্ত্তেক মানে বীৰ আছিল নমাতি॥
মনত গুণন্ত খড়্গ হানি কাটো শিৰ।।
দেখন্তোক কৌৰবি পাণ্ডবি যত বীৰ॥৩০০
এহি মনে গুণি গৈলা ভৰি পাঞ্চ সাত।
পাছে আৰু খানি গুণি ৰহিলা তথাত॥
দুৰ্জ্জনৰ দ্রোহী হৰি আসন্ত সাক্ষাত।
বিহন্তোক দুৰ্জ্জনৰ দ্রোহ যত যত ॥৩০১
পাণ্ডৱৰ বৈৰী ইটো তাতেসে প্রবল।
হঠাৎকাৰ ক্ৰোধত আমাৰ কোন ফল ॥
এহিবুলি খদ্গ খান আছাৰি পেলাই।
বুলিলস্তু ধৃতৰাষ্ট্ৰ নৃপতিক চাই ॥৩০২
শুনিয়ো অন্ধক তােৰ পুত্ৰ ভৈল কাল।
শুনিলিকি তাহাৰ বচন কেন ভাল॥
