এই পৃষ্ঠাটোৰ বৈধকৰণ হৈছে
৬৪
উদ্যোগপর্ব্ব।
যেন গঙ্গাজল আনি পীয়ে কোন নৰে।
তেখনে পাতেক হৰে নিষেশ জম্মৰে॥২৮৩
সেই গঙ্গাজল যেবে সুৰা সমে খাই।
আছোক পাতেক হৰে তাৰো জাতি যাই॥
সেইমতে দদা তুমি বোলা যত মানে।
সকলে বিফল দেখো তামাসিক দানে॥ ২৮৪
মুখত অমৃত হৃদয়ত বিষ ঘট।
পাণ্ডবক লাগি তোৰ এনুয়া কপট॥
তযুমনে হেন আশা পাণ্ডবক এৰি।
অৰ্থলোভে মোৰ পাশ হইব দেব হৰি॥২৮৫
অন্ধকৰ অন্ধ বুদ্ধি হেন লৱে মনে।
সিংহ এৰি শৃগালক ভজে কোন জনে॥
পাণ্ডবে কৰিছে বশ্য হৃদয়ত পাই।
প্ৰেম-জৰি বান্ধিয়াছে মেঢ়াই মেঢ়াই॥২৮৬
পাণ্ডবক বঞ্চি ৰাজ্য নেদিবাৰ মন।
ইঙ্গিতে জানিবে আৰু দৈবকী নন্দন॥
হস্তী ঘোৰা ধন ৰত্ন যত দিয়া মানে।
সবে নুহি অৰ্জ্জুনৰ বাক্যৰ সমানে॥২৮৭
হেন পাণ্ডবক যিটো বঞ্চিবাক মনে।
দিবা মানে লইবন্ত দৈবকী নন্দনে॥
