এই পৃষ্ঠাটোৰ বৈধকৰণ হৈছে
৫৪
উদ্যোগপৰ্ব্ব।
দাৰুকেও পৰিলেক হামু খুৰি খাই।
সাত্যকি পৰিলা তান শ্ৰুতি জ্ঞান নাই॥২৩৩
ৰথ গতি মন্দ ভৈলা নাই কিছু যোড়।
জুন্তি খাই পৰিল ৰথৰ চাৰিঘোৰ॥
কৌৰৱক ক্ৰোধে ভীম আৰকত বৰ্ণ।
কতো বেলি শ্ৰুতি লভিলন্তা ৰাজগণ॥২৩৪
বচনে কৃষ্ণক ভীমে পূজিলা বহুত।
তুমি শ্ৰেষ্ঠ সাৰ কৌৰৱৰ যমদূত॥
যুধিষ্ঠিৰ লগত পঠাই াপঠাইলা}} যতমান।
মাধৱৰ লাগ লৈলা তুৰীত গমন॥২৩৫
আগ বাঢ়ি কৃষ্ণক বিজিত গ্ৰাম পাই।
তাৰ পৰা উলটি আসিল পাঞ্চাভাই॥
লগতে আসিলা ফিৰি নৃপতি সকল।
শঙ্খ শিঙ্গা ৰাৱত মেদিনী টলবল॥২৩৬
সি বেলাত সুগম শোভন ভৈল পথ।
চলিলন্ত মাধৱ দাৰুকে ডাকে ৰথ॥
চৌপন্থ গমনে শ্ৰান্ত নাহিকে ভাগৰ।
মধ্য হ্ল বেলাত নিবৰ্ত্তিল দিবাকৰ॥২৩৭
যথাতথা চলন্ত মাধৱ জনাৰ্দ্দন।
তথা তথা প্ৰামেষে নিবাসি কন্যাগণ॥
