এই পৃষ্ঠাটোৰ বৈধকৰণ হৈছে
৪৬
উদ্যোগ পৰ্ব্ব।
বেদবাক্য বিভব প্ৰমাণ যেন সাৰ।
কদাচিতো মিছা নাই বচন আমাৰ॥ ১৯৩
সাগৰ শুকাই যাই স্বৰ্গ পৰে ভাগি॥
শীত পাই যদি আদিত্যৰ ৰশ্মি লাগি॥
জল থল পাতাল যদ্যপি একাকাৰ।
তথাপিতো মিছা নুই বচন আমাৰ॥ ১৯৪
মাধবৰ প্ৰবোধে দ্ৰোপদী শান্ত ভৈলা।
ধীৰে ধীৰে দেবী অভ্যান্তৰে চলি গৈলা॥
বৈশম্পাযন বদতি শুনিয়ো নৰেশ্বৰ।
এহিমতে কথাতে আচন্ত দামোদৰ॥ ১৯৫
প্ৰবোধন্তে কহন্তে অৰ্দ্ধেক ৰাত্ৰি গৈল।
মাধৱে যাইবন্ত হেন কথা নিষ্টভৈল॥
এতহন্তে সমাজ বিসৰ্জি যুধিষ্ঠিৰ।
শয়ন কৰিল গই আপোন মন্দিৰ॥ ১৯৬
স্বকি স্বকি ঠানে চলি গৈলেক সকলে।
মাধবেয়ো শয়ন কৰিলা কুতুহলে॥
যথা কাল যোগে সিটো ৰাত্ৰি হৈল গত।
অৰুণ উদয় ৰবি কিঞ্চিত বেকত॥ ১৯৭
সেই বেলা শুত মাগধ বন্দি গই।
মাধবক প্ৰবোধিলা তাল যন্ত্ৰ লই॥
