এই পৃষ্ঠাটোৰ বৈধকৰণ হৈছে
৪২
উদ্যোগ পৰ্ব্ব।
তুমি পাইবা খেদি গই, কাটিবা খড়গ লই,
দুঃশাসনৰ দুই খান বাহু॥ ১৮১
ধৰ্ম্মৰ বচন লই, কৌৰৱৰ পাশে গই,
সময়ন্তি কৰি দন্দ বাটা।
তেৰে বোলা অনুৰাগে, পাছে যেই কৰা লাগে
খড়গ হানি আগে মোক কাটা॥
এহি বুলি হাত তুলি, বেণী বন্ধা চুলি মেলি,
দুঃশাসনে ধৰি আছে যাত।
সেহি দিনা হন্তে ধৰি, বান্ধিচন্ত ভিন্ন কৰি,
মেলি দিলা কৃষ্ণৰ হাতত॥ ১৮২
দেখা দেখা জনাৰ্দ্দন, কেশ ডালি বিটোপন,
এহি বুলি দিলা হাতে হাতে।
সমাজৰ মাজে যাই, ভায়েকৰ বোল পাই,
দুঃশাসনে ধৰি আছে আতে॥
শোকতে বিকল ভৈলা, আজোৰন্তে চিণ্ডি গৈলা,
আজিও দুখাই একফাল।
সেহি দিন হন্তে আক, ভীমেও দিলন্ত হাক,
লগত নবান্ধো একোকাল॥.১৮৩
যেতিক্ষণে দামোদৰ, সমাজত কৌৰৱৰ,
সময়ন্তি কৰা দন্দ ঘোৰ।
