পৃষ্ঠা:উদ্যোগপৰ্ব্ব.djvu/১৯৬

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
১৯৬
উদ্যোগপৰ্ব্ব

এহিমতে গৈয়া, ৰাজা যুধিষ্ঠিৰে,
 কুৰুক্ষেত্ৰ গৈই পাইলা।
কৃষ্ণৰ আদেশে,   জাহ্নবীৰ তীৰে,
 সৈন্যক সবে ৰসাইলা॥৯০৯
সাগৰ সঙ্কাশ,  সৈন্য গণ ৰইল,
 অসংখ্যাত পথ যুৰি।
ৰাজাৰ আবাস,   মাজত কৰিলা,
 হন্তী শালা আগকৰি॥
তাৰ চাৰি পাশে,  অশ্বশালা পাতি,
 কৰিলা গঢ় নিৰ্ম্মাণ।
তাৰ চাৰি পাশে,  ৰাজা গণ মনে,
 দ্বাৰি থৈলা ঠানে ঠানে॥৯১০।
তাৰ চাৰি পাশে,  ৰক্ষা গড় দিলা,
 মন্দিৰ সাজিয়া ৰৈল।
অসংখ্য কুমাৰ, এক সাজু হুইয়া,
 শৰ গঢ়িবাক লৈল॥
দ্ৰোপদী প্ৰমুখ্যে,  যত কন্যাগণ,
 পশিলন্ত অভ্যন্তৰ।
পাঞ্চ গৃহে পাঞ্চ,   পাণ্ডৱ ৰহিলা,
 এক গৃহে দামোদৰ ॥৯১১