পৃষ্ঠা:উদ্যোগপৰ্ব্ব.djvu/১৭৭

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
১৭৭
অসমীয়া মহাভাৰত

পাঞ্চ ভাই সমে প্ৰকাশিয়ো মহাবল।
ব্ৰহ্মায়ে সহিতে যেন দেবতা সকল॥৮২৫
হৃদয় জুৰাউক কৰ্ণ মাতৃ বোল মোক।
সুত পুত্ৰ হেন লোকে নোবোলোক তোক॥
বৈসম্পায়ন বদতি শুনিয়ো জন্মিজয়।
কৰ্ণক সম্বুধি কুন্তী তথাতে আছয়॥৮২৬
আকাশত বহিয়া দেখিলা দিবাকৰে।
জানো কৰ্ণে জননীৰ বচন নকৰে॥
এহি মনে গুণি শীঘ্ৰ বেগে লৰি গৈলা।
কৰ্ণৰ আগত সূৰ্য্য উপস্থিত ভৈলা।৮২৭
কৰ্ণে দেখে দিবাকৰ সাক্ষাতে আসিলা।
পিতৃ বুলি নমি দুই পাৱত বন্দিলা॥
কৰযোড় কৰি উঠি ৰহিলেক কৰ্ণ।
হেন দেখি দিবাকৰে বুলিলা বচন॥৮১৮
আদিত্য বদতি কৰ্ণ ত্ৰিভূবনে সাৰ।
কুন্তীক জানিবি নিজ জননী তোমাৰ॥
তোমাৰ জনক পিতৃ চিনিবি আমাক।
কুন্তী যি বোলয় কিয় নকৰস তাক॥৮৯
ভাল বোলে কুন্তী তোক চাও মনে গুণি।
পাণ্ডবৰ ঠানে ৰাজা হু্য়োক আপুনি॥