এই পৃষ্ঠাটোৰ বৈধকৰণ হৈছে
১৬৫
অসমীয়া মহাভাৰত।
নকৰিলে ঘিণ মোৰ মুত্ৰ পুৰিষত।
কৰিলেক জাত কৰ্ম্ম আদি কৰ্ম্ম যত॥৭৬৫
বসু সেন নাম মোৰ হাবিয়াসে আতি।
বিবাহ কৰাইলা কন্যা মহা রূপবতী॥
তাসম্বাত জম্মিল আমাৰ পুত্ৰগণ।
নাতি দেখি ৰাধাৰ হৰিষ কৰে মন॥৭৬৬
ৰাত্ৰি দিনে আনন্দে যে বোলয় মনত।
পিণ্ড জলাঞ্জলি পাইবো কৰ্ণ পুত্ৰ হন্ত॥
আজি যদি প্ৰভু তেসম্বাক বাঞ্চো মই।
মোকো দৈবে বঞ্চিবেক কহিলো নিশ্চয়॥৭৬৫
আসি আছে যত পৃথিবীৰ বীৰগণ।
যুদ্ধ কৰিবাক প্ৰতি সবাহাৰে মন॥
যুদ্ধবিনা মৰণ নিন্দিত ক্ষত্ৰিয়ৰ।
আকে জানি সমৰ মিলায়ো গদাধৰ॥৭৬৮
মাধৱ বদতি কৰ্ণ জানিছা আপুনি।
তথাপিতো কিছু কহো শুনিয়ো শ্ৰবণি॥
সত্যে ৰণ জিনিবেক পাণ্ডব সকল।
জয়ধ্বনি শুনি পাণ্ডবৰ সুমঙ্গল॥৭৬৯
বিশ্বকৰ্ম্মে নিৰ্ম্মিয়াছে দিব্য মায়া বলে।
ভয়ঙ্কৰ প্ৰচণ্ড বানৰ গোট জলে॥
