এই পৃষ্ঠাটোৰ বৈধকৰণ হৈছে
১৬১
অসমীয়া মহাভাৰত
টোন ভৰি ভৰি অস্ত্ৰচয় ভাল আছে।
ৰণ ৰঙ্গে ঘেৰচয় থিৰ লাঞ্জে নাছে॥৭৪৫
যুদ্ধৰ প্ৰবন্ধ মাত্ৰ সমস্ত লোকৰ।
ইসব লক্ষণ দেখে জয় পাণ্ডৱৰ॥
আৰো অদভুত দেখোঁ কৌৰৱৰ ঠাই।
ইহাক দেখন্তে মোৰ ৰাত্ৰি নিদ্ৰা নাই॥৭৪৬
নিৰ্ভয় স্বৰূপে দেখি সবে প্ৰজাচয়।
ৰাত্ৰি দিনে ব্ৰাহ্মণৰ হিংসা আচৰয়॥
গুৰুক নিন্দয় শিষ্যে বোলে মুৰ্খ বৰ।
নকৰে স্বামীক নিন্দে বোলে অনুত্তৰ॥৭৪৭
পিতৃক নামানে পুত্ৰে নাই ভয় ভীত।
কৌৰৱৰ মৃত্যু কাল ভৈল উপস্থিত॥
আজি ৰাত্ৰি প্ৰভু মই দেখিলো সপোন।
সপোনৰ কথা কহোঁ শুনা নাৰায়ণ॥৭৪৮
দোৰ্য্যোধন ৰাজা সমে এক শত ভাই।
সপোনতে সবে আসি ভৈলা এক ঠাই॥
ওৰ কুসুমৰ মালা সবাৰো শিৰত।
সবে মিলি ছৰিল গৰ্দ্দভ বাহনত॥৭৪৯
দক্ষিণক চলি গৈলো মৃগয়াক মনে।
ভয়ঙ্কৰ গৰ্ত্তক দেখিলো সেই ঠানে॥
