এই পৃষ্ঠাটোৰ বৈধকৰণ হৈছে
১৫৮
উদ্যোগপৰ্ব্ব
সঞ্জয় বদতি কথা শুনা নৰেশ্বৰ।
নীতি শাস্ত্ৰে পৰম পণ্ডিত গদাধৰ॥৭৩০
আগ পাছ চিনাই বুলিলন্ত দেব হৰি।
আমি সবে শুনিয়া আছিলো কৰ্ণ ভৰি॥
কৃষ্ণৰ বচন যেবে শুনিলেক কৰ্ণ।
গুণিবাক লৈলা অধোমুখে মনে মন॥৭৩১
দণ্ড দুইমানে গুণি কৰিলেক থিৰ।
কৃষ্ণক সম্বুধি মাতিলেক ধীৰে ধীৰ॥
কৰ্ণে বোলে জানো কুন্তী মাৱৰ দুৰ্ণয়।
পাণ্ডুৰ ক্ষেত্ৰত জন্ম বিচাৰত ময়॥৭৩২
পোষ্টা পিতৃ অধিৰথ ৰাধা মোৰ আই।
বাঢ়ি আছে মোৰ দেহা তানে তন খাই॥
পুত্ৰ বুলি তুলি বিষ্ঠা পেলাইছে আমাৰ।
কোনসতে তাহাক কৰিবো পাৰিহাৰ॥৭৩৩
কুন্তীৰ দুৰ্ণয় কথা কহিবোহো কত।
জন্ম দিয়া আমাক পেলাইলা সাগৰত॥
অভেদ কবচ দিলা পিতৃ দিবাকৰে।
সিকাৰণে নমৰিলো জলৰ ভিতৰে॥৭৩৪
দৈব যোগে হেন মোৰ অদৃষ্টত আছে।
অধিৰথি পায়া মোক তুলিলেক পাছে॥
