এই পৃষ্ঠাটোৰ বৈধকৰণ হৈছে
১১৫
অসমীয়া মহাভাৰত।
কাকো লগে নেদেখি মনত অনুৰাগ।
খানিতকে ৰহ সবান্ধৱে পাইবি লাগ॥৫২৫
দেখি দোৰ্য্যোধনে পুনৰপি বোলে ধৰ।
শুনি বাজাগণে উঠিলেক আসনৰ॥
ধৰিবাক লাগি সবে কাচি পাৰি যাই।
হেন দেখি হাসি তুলিলন্ত যদুৰাই।৫২৬
হৃদয়ত কোপ মুখে হাসি বিতোপন।
কাঠ হাসি হাসিলন্ত দেবকী নন্দন॥
কৌৰৱক কোপে কৃষ্ণ অন্তক সাক্ষাত।
প্ৰথমতে কপালতে ব্ৰহ্মা ভৈলা জাত॥৫২৭
হৃদয়ত হন্তে একাদশ ৰুদ্ৰগণ।
কৌৰবক কোপমনে গৰ্জ্জন্ত সঘন॥
দুই বাহুহন্তে দশ দিকপাল ভৈল।
কৌৰবক চাই কোপে গৰ্জ্জিবাক লৈল॥ ৫২৮
নিজ ৰথে চৰি পাণ্ডবৰ পাঞ্চ ভাই।
চাপন্ন কোটি যাদব বেকত সেই ঠাই॥
মাধবৰ সখি ধনঞ্জয় মহাবল।
বামে বলোভদ্ৰ বীৰ লাঙ্গল মুষল॥৫২৯
একাদশ ৰুদ্ৰগণে ত্ৰিশূল উচাই।
মাৰ মাৰ বুলি কৌৰৱক ধাই ধাই॥
