পৃষ্ঠা:উদ্যোগপৰ্ব্ব.djvu/১০

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
১০
উদ্যোগ পর্ব্ব।

ভীষ্ম কৰ্ণ সমস্তে কৌৰৱ বিদ্যমানে।
গৰু নানি মৎস্যৰ আসিলা কি কাৰণে॥
অৰ্জ্জুনৰ শৰে পঙ্কাকূল ৰণ ভূমি।
সি কালত কোথাত আছিলা কৰ্ণ তুমি॥২৭
এনে কৰ্ণ কতবা আছিল পৰি পৰি।
লাঙ্গটাই কাঢ়ি নিলে কঙ্কালৰ দৰি॥
ভীষ্মে উঠি বোলে দোৰ্য্যেধন সাজ সাজ।
বলবন্ত সহিতে দন্দৰ কোন কাজ॥২৮
আপোনাৰ ভাল যদি চিন্তিও আপুনি।
অৰ্দ্ধ ৰাজ্য পাণ্ডৱক দেস এতিকণি॥
অৰ্দ্ধৰাজ্য নেদস তাহাক নেদো হাক।
তাৰ আদখান যাচি দিয়ো পাণ্ডৱক॥২৯
তাতে তুষ্ট হৈবন্ত পাণ্ডৱ মহাশান্ত।
গুৰু গৌৰৱত বৰ ভকতি একান্ত॥
বৈসম্পায়ন বদতি শুনিয়ো নৰেশ্বৰ।
এতহন্তে অস্তাগত ভৈলা দিবাকৰ॥৩০
ৰাত্ৰি আসি মিলিল নিচিনি পৰাপৰ।
সমাজ বিসৰ্জ্জ পাছে গৈলা অভ্যন্তৰ॥
ভীষ্ম আদি কৌৰৱ বিদুৰ মহাবলে।
স্বকি স্বকি থানে চলি গৈতুকুহলা লে॥৩১