পৃষ্ঠা:আশীৰ্ব্বাদ.pdf/২৬

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে
২৪
আশীৰ্ব্বাদ

তাৰা সবৰ কৃপাত এই সেৱা জনাইছে। বোলে—

নামতে হৰিক সাক্ষাতে পায়।

নাম হৰি দুয়ো একেটি কায়॥
যথাত ভকত তথাত নাম।
ভক্ত নাম হৰি একহি থাম॥
যি জন ভকত সি জন হৰি।

পৰমাৰ্থ তত্ব লয়ো বিচাৰি॥

       তোৰা সব সমূহ গুৰু ভক্ত সকলক এক কৰি যি প্ৰমত্ত সিংহ নাম উচ্চাৰণ কৰা হৈছে ইয়াতে গুৰু ৰূপী।
ভগৱন্ত প্ৰসন্ন হক, দেৱৰ দেৱতা কৃষ্ণ দেৱ প্ৰসন্ন হক, নাম ৰূপী ভগৱন্ত প্ৰসন্ন হক, ভাগৱত ৰূপী ভকত প্ৰসন্ন হক, নাম গুৰু, দেৱ, ভকত চাৰিও বস্তু তুষ্ট হৈ দাসৰ সেৱাকে মোৰ বুলি গ্ৰহণ কৰি কৃপা কৰিব লাগে। ॥০॥

৩।
তোমাৰ সেৱক ভৈলো নাৰায়ণ এ

              নিশ্চয়ে তোমাৰ দিবাক লাগে প্ৰসাদ।
মোক ভৃত্য কৰি লৈয়ে গোপীনাথ এ

              তযু কৃপা যাৰ মিলয় কোন প্ৰমাদ।

তোমাৰ দাসৰো দাস বুলি ধৰি এই সেৱাৰ ফলতে কোনো প্ৰমাদৰ ভাগী নকৰি সৰ্ব্ব সঙ্কট, সৰ্ব আপদৰ পৰা পৰিত্ৰাণ কৰিব লাগে—

আমাক ৰাখিবে হৰি কমন বান্ধৱে।
অন্ত কালে গতি মোৰ কেৱল মাধৱে॥