এই পৃষ্ঠাটোৰ বৈধকৰণ হৈছে
৯৩
আদি চৰিত
শঙ্কৰক ভজি অসংখ্যাত সন্ত হৈল।
এক ধৰ্ম্মে তিনিখন ৰাজ্য প্ৰকাশিল।
হেন সন্ত নাম এৰি বংশ শান্তানুৰ।
ধন গৰ্ব্বে বাক্য বাধা কৰিল গুৰুৰ।
সিকাৰণে জ্যেষ্ঠ বংশে কনিষ্ঠ বংশত।
গুৰু মানি ভক্তি লৈয়া হৈবে শিষ্য যত॥ ৯২৫
আৰু পূৰ্ব্বে সূৰ্য্যে ভক্তি নপাইবে বুলিলা।
সিকাৰণে বৰ বংশে ভক্তিক নপাইলা।
যদ্যপি শঙ্কৰে ভক্তি দিবাক খুজিলা।
দেখা কেহুঁ তথাপি ভকতি নলৈলা।
এহিমতে গৈলা শান্তানুৰ বংশগণ।
আমি সবে গৈলোঁ তৈকে সঙ্গে গুৰুজন।
সাত দিন সেহি থানে থাকিয়া শঙ্কৰ।
মুদৈৰ বাহিৰে থান পাতিলা ঈশ্বৰ।
সাত দিন থাকি সিটো থান এৰি গৈলা।
সিকাৰণে সাদিনীয়া থান নাম ভৈলা॥৯৩০
যৈত চাৰিবিধ ভক্তি কৰিলা প্ৰচাৰ।
অন্য কোন ভূমি সম হৈবেক তাহাৰ।
যদ্যপি কমলা মুদৈ ভক্তি নকৰিলা।
শঙ্কৰৰ কাষে তেহুঁ দৰ্শন নভৈলা।
যাতো তান ভূমি মধ্যে প্ৰভু ৰহিলন্ত।
সিকাৰণে তান নামে থান পাতিলন্ত।
