এই পৃষ্ঠাটোৰ বৈধকৰণ হৈছে
৫২
আদি চৰিত
ক্ষত্ৰীকুলে জন্ম মোৰ ৰাজা নাম লৈলোঁ।
মহাগুৰু পিতৃবধ কলঙ্ক কৰিলোঁ।
এহি বুলি মহা দুখে ৰাজা আৰিমত।
বুলিলা বচন ৰাজা সবাৰো আগত।
মোহোৰ বচন শুনিয়োক সৰ্ব্বজন।
জগন্নাথে গৈয়া কৰিবোহোঁ গঙ্গাস্নান।
মোৰ লগে চলিয়োক পাত্ৰমন্ত্ৰী যত।
বৃদ্ধ মন্ত্ৰী সমুদ্ৰ থাকোক নগৰত॥ ৫১৫
সমুদ্ৰ মন্ত্ৰীক ৰাজা নগৰত থৈলা।
ৰত্নপুৰ নগৰকো তাঙ্কে সমৰ্পিলা।
মই নাহোঁ মানে পালিবাহা নগৰক।
প্ৰতিপাল কৰিবাহা সমস্তে প্ৰজাক।
তোমাৰ তনয় যিটো নামে মনোহৰ।
তাঙ্ক মন্ত্ৰী পাতোঁ বিশ্বনাথ নগৰৰ।
এহি বুলি ৰজা মন্ত্ৰী দুয়ো আলচিলা।
বিশ্বনাথে মনোহৰক মন্ত্ৰী যে পাতিলা।
ৰাজায়ে বোলন্ত কথা শুনা মনোহৰ।
মন্ত্ৰী হুয়া বিশ্বনাথে পালিবা নগৰ॥৫২০
মই নাহোঁ মানে পালিবাহা নগৰক।
মোৰ সম হৈয়া তুমি পালিবাহা প্ৰজাক।
অনেক দিনৰ আছে ৰত্ন সুবৰ্ণৰ।
তাহাকো কৰিবা প্ৰতিপাল মনোহৰ।
