এই পৃষ্ঠাটোৰ বৈধকৰণ হৈছে
৪৪
আদি চৰিত
আদি অন্তে কথা কহোঁ শুনা নৰেশ্বৰ।
এহি বুলি কহিবাক লাগিলা শঙ্কৰ।
অঙ্গ নামে ৰাজা এক আছিল ৰাজ্যত।
ৰত্নপৃষ্ঠ ৰত্নপুৰ নিৰ্ম্মিলা পূৰ্ব্বত॥ ৪২৫
অঙ্গ নৃপতিয়ে ৰত্নপুৰক নিৰ্ম্মিলা।
সেহি দেখি ৰত্নপুৰ নাম খ্যাত পাইলা।
সিটো নগৰক অঙ্গ নৃপতিয়ে পাই।
সেহিসে কাৰণে তাক আচাম বোলয়।
আৰু এক কথা শুনা ৰাজা মহাশয়।
পূৰ্ব্বাপৰ কথা আৰু কহিবোঁ নিশ্চয়।
যৈখানি মিলিল যুদ্ধ কুৰু পাণ্ডৱৰ।
কৌৰৱৰ লগে অঙ্গে কৰিলা সময়॥
কৌৰৱৰ পক্ষে অঙ্গ নৃপতি যুজিলা।
পাণ্ডৱৰ হাতে অঙ্গ নৃপতি মৰিলা ॥৪৩০
ভাৰতৰ যুদ্ধে অঙ্গ নৃপতি মৰিল।
যুধিষ্ঠিৰ নৃপতিয়ে সিটো ৰাজ্য পাইল।
তোমাৰ উপৰি বংশ ৰাজা ভগদত্ত।
সেহি ৰণে তাঙ্কো মাৰিলন্ত পাণ্ডুসূত।
ভাৰত যুদ্ধত ৰাজা যত মৰিলন্ত।
সমস্তে ৰাজ্যক পাণ্ডুসূতে লভিলন্ত।
যৈখানি স্বৰ্গক গৈলা ৰাজা যুধিষ্ঠিৰ।
তান নাতি পৰীক্ষিত ভৈলা নৰেশ্বৰ।
