এই পৃষ্ঠাটোৰ বৈধকৰণ হৈছে
৭
আদি চৰিত
ভকতি মুকুতি পাওক মোৰ পুত্ৰনাতি।
এই তিনি বৰ মোক দিয়া দিনপতি॥
এতেক বুলিয়া লক্ষ্মী মৌনে বহি আছে।
সিদ্ধি হৌক বুলি বৰ সূৰ্য্যে দিলা পাচে॥৬৪
সূৰ্য্য নিগদতি লক্ষ্মী শুনিয়ো বচন।
মহা যে বৈষ্ণৱ হৈব পুত্ৰ দুইজন॥৫৯১ শঁকে॥
তোমাৰ বাপৰ ৰাজ্যে বৰ মন্ত্ৰী হৈব।
অনেক ঐশ্বৰ্য্য সুখ গৃহতে লভিব॥ ৬৬
তোমাৰ নামত গ্ৰাম হৈব লখিমপুৰ।
তথাতে বসতি প্ৰিয়া হইবে তোমাৰ॥
অনেক ঐশ্বৰ্য্য সুখ হৈবেক তথাত।
লখিমপুৰ নাম হৈব জগতে প্ৰখ্যাত॥৬৮
শান্তানু সুমন্ত এই দুই তনয়ৰ।
ভূঞা নাম হৈবে খ্যাত দ্বীপদ্বীপান্তৰ॥
তাসম্বাৰ বাঢ় বাঢ় পুত্ৰ হৈবে জাত।
বাঢ় ভূঞা নাম হৈবে জগতে প্ৰখ্যাত।৭০
তাসম্বাৰ পুত্ৰনাতি অসংখ্যাত হৈব।
মোৰ বৰে সমস্তয়ো ভূঞা নাম পাইব॥
অনেক ঐশ্বৰ্য হৈব তোমাৰ পুত্ৰনাতি।
পৃথিবীত বাঢ় ভূঞা ৰহিব খিয়াতি॥৭২
পঞ্চাধিক আশী বৰ্ষ তুমি প্ৰিয়া জীবা।
মোৰ বৰে অন্তকালে স্বৰ্গক লভিবা॥
