এই পৃষ্ঠাটোৰ বৈধকৰণ হৈছে
৮১
অসমীয়া ৰামায়ণ।
ৰামৰ হাতত যেবে ৰাক্ষস পৰিল।
ত্ৰৈলোক্যৰ লোকে সবে হৰিষ লভিল।৷
জয় জয় ৰাম বুলি দেবে আসংসন্ত।
ৰামৰ শিৰত দিব্য পুষ্প বৰিষন্ত॥
ব্ৰহ্মা মহেশ্বৰ ইন্দ্ৰ চন্দ্ৰ আদি কৰি।
ৰামক কৰিলা তুতি কৰি কৃতাঞ্জলী॥
আজিসে জগতে কিছু পাইলেক উদাস।
ৰাক্ষস সংহৰি যশ কৰিলা প্ৰকাশ।৷
এহি কথা শুনি নৰে তৰিবেক পাপ।
কিনো কৃপা কৰিলা ঈশ্বৰৰাম বাপ॥
তৰে নৰে যাৰ ৰামনাম মাত্ৰ স্মৰি।
হেন দেব কৃপাৰূপে আছা অবতৰি॥
নানা তুতি বাণি বুলি কৰি বেদধ্বনি।
ৰামক কৰিলা আশীৰ্ব্বাদ সিদ্ধমুনি॥
বিদ্যাধৰে মৃদঙ্গ দুন্দুভি বাদ্য বাৱে।
আপেস্বৰা নাচয় গন্ধৰ্ব্বে গীত গাৱে॥
ৰামক চাহিয়া কটোবেলি আছে সুখে।
পাছে স্বৰ্গে গৈলা ৰাম নাম গায়া মুখে॥
ৰামৰ চৰিত্ৰ কহিযান্ত পন্থে পন্থে।
কৈলাসক গৈলা হৰ পাৰ্ব্বতী সহিতে॥
