এই পৃষ্ঠাটোৰ মুদ্ৰণ সংশোধন কৰা হৈছে
৮২
অসম-সন্ধ্যা
বদনে চপালে নাও চিলমাৰী পাই।
ইয়াতে বসতি ল’ই ঘূৰিলে বিস্তৰ
দেখা কৰি বহুজন শ্ৰেষ্ঠ ক্ষমতাৰ;
কিজানি সাহায্য পাৰে কৰিব যোগাৰ।
যদিওবা হোৱা নাই উদ্দেশ্য সফল,
এৰা নাই, আশা ৰাখি, চিলমাৰী ঘাট।
ঘনশ্যাম ফুকনৰ গুপ্তচৰ-দলে
চপালে ঘাটত নাও চিলমাৰী পাই;
গোপনে গোটাই তথ্য নব্য আগতৰ
বুজিলে লইছে তাতে বদনে আশ্ৰয়।
সূত্ৰ ধৰি উলিয়াই সঠিক সংবাদ
সানুচৰ বদনৰ অজ্ঞাত বাসৰ,
ছেগ চাই গুপ্তচৰে বৰফুকনক
কৰিলে এদিন বন্দী পথৰ মাজত।
ৰূপহী সততে ফুৰে পুৰুষৰ বেশে
শৰীৰ ৰক্ষক-ৰূপে বৰফুকনৰ।
আজিও আছিল তেওঁ ধৰি ছদ্মবেশ;
ধৰা মাত্ৰে বদনক জনালে থানাত।
লাগি গ'ল হুলস্থূল নগৰ বিয়াপি;
থানাদাৰ উপস্থিত হ’ল দলে-বলে।
অসম-চৰক ক’লে শুনি বিবৰণ,–
“হ’ব পাৰে পলৰীয়া বদন ফুকন,
হ’ব পাৰে দোষী তেওঁ ৰজাৰ কাষত,
তথাপি নোৱাৰোঁ মই কৰিব অৰ্পণ
