এই পৃষ্ঠাটোৰ মুদ্ৰণ সংশোধন কৰা হৈছে
১৩৬
অসম-সন্ধ্যা
বিধি-বহিভূত-ভাবে এনে অস্থানত
সাক্ষাতৰ প্ৰয়োজন নুবুজি বদনে
সুধিলে উদ্দেশ্য কিবা বৰবৰুৱাৰ।
হঠাৎ পিচৰ পৰা অলক্ষিতে আহি
তাঁৰবেগে ৰূপচিঙে কৰিলে প্ৰহাৰ
তীক্ষ্ণ অসি লক্ষ্য কৰি কণ্ঠ বদনৰ।
ন'উ দেখোতেই মুখ গুপ্ত ঘাতকৰ
পৰিল বিজয়ী বীৰ মাটিত বাগৰি
তেজেৰে ৰাঙলী কৰি ধৰণীৰ বুকু।
“প্ৰতাৰণা।হত্যা। জন্মি! প্ৰাণৰ পিয়লী।
প্ৰতিশোধ!”-অন্ত কৰি বাণী অন্তিমৰ
ইমানতে, তেজোদীপ্ত দুৰ্জ্জয় বদনে
ইহ জনমৰ বাবে মুদিলে নয়ন,
হৰি শেষ শান্তি-কণা জীৰ্ণ অসমৰ।
⸻
ষোড়শ সৰ্গ।
চন্দ্ৰকান্ত নৃপতিৰ উপেক্ষি আহ্বান।
গুৱাহাটী নগৰত ৰ'ল ৰুচিনাথ
ভ্ৰাতৃস, চিন্তা কৰি দূৰ ভবিষ্যৎ।
অতীত সুৱৰি চাই ক'লে নিজে নিজে,
