(১)
সব্যসাচী তীৰন্দাজ
কিযে তোৰ আন্দাজ
একেপাত শৰে শালিলি
সাতডাল শালৰ শাহ।
(২)
মোৰ দধীচি হাড়
তোমাক কৰিলোঁ দান,
তেজমুই ধৰে যদি কেতিয়াবা
বাঁহী সাজি গাই চাবা গান।
(৩)
আকাশৰ কেন্ভাচত
এখুদ হিয়াৰ ৰং
অ’ মোৰ ৰান্ধনি বেলি
কিয় কৰি খং
মেলিলা সোণালী চুলি
|
(৪)
ৰবাব টেঙাৰ ফুলৰ গোন্ধসনা
এটি পখিলাই
ধূসৰ চকুত মোৰ ঢালি দিলে
এবাটি সোণৰ সোলেং ৰং
নিমিষতে খুলি গ’ল
বন্ধ দুৱাৰৰ অৰ্গল
বতাহে আনিলে বৈ
মধুৰ কোলাহল।
(৫)
হৃদয়,
মেলিদে তোৰ
দুখৰ দুখন হাত
আঁকোৱালি ল সময়ৰ
গৰীয়সী গা।
|