এই পৃষ্ঠাটোৰ বৈধকৰণ হৈছে
১১৭
অঞ্জলি
কান্দি কান্দি নিশা ভোগোঁ অশেষ দুখেৰে,
পিচ দিনা স্বৰগত মিলিম তোমাৰে।
নিষ্ফল জীৱন মোৰ, নকৰোঁ বিনাশ,
সন্ন্যাসী স্বৰূপে গাম তোমাৰ কীৰ্ত্তন,
নগৰে নগৰে গাম বীণাৰ সুৰত,
প্ৰকাশিম পুণ্যময় প্ৰেমৰ জীৱন,
ততোকই, প্ৰকাশিম তোমাৰ মহিমা,
তোমাৰ নামেৰে গীত ৰচিম অসীমা।
বিদায়
⸺:৹:⸺
বই থোৱা, গই থাকা, চেচাঁ পানীধাৰি,
সাগৰত কৰ দিয়া গই,
তোমাৰ পাৰত মোৰ নপৰিব ভৰি
কেতিয়াও চিৰকাললই।
লাহে লাহে বই যোৱা পথাৰে-সমাৰে
জান গুচি হোৱা গই নই,
