এই পৃষ্ঠাটোৰ বৈধকৰণ হৈছে
৯৮
অঞ্জলি
লভিছিলোঁ মৰমৰ বুজনি এটি,
নাছিল ছিঙিম মোৰ ভাব এনেটি।
আজি দেখি মন মোৰ
চাপি যাব খোজে তোৰ—
খোজে আজি হব চোৰ,—
কাষলই ছিঙি আনি তোৰ হাঁহিটি,
মিহলাই তোৰ মোৰ হাঁহি দুয়োটি
মূৰ দাঙি দেখা পাওঁ
য’লকেবা গুচি যাওঁ,
লুকালেও গম পাওঁ
বতাহত বিয়াপোতে তোৰ গোন্ধটি;
তোৰ বিনে মোৰ আশা নাই একোটি
⸻
তৰা
—০—
নেলাগে নেলাগে তুমি ওচৰ চাপিব,
চাবা মোক নিলগৰে পৰা,
মোক দেখি লৰ মাৰি নেলাগে আহিব,
একোটি ভুমুকি যদি মাৰা।
