পখিলা পাখিত ইমান ধুনীয়া

ৱিকিউৎসৰ পৰা
Jump to navigation Jump to search
পখিলা পাখিত ইমান ধুনীয়া
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


পখিলা পাখিত ইমান ধুনীয়া
         কত বৰণীয়া
                সোণালী
                ৰূপালী
                দীপালী আখৰেৰে
মোলৈ তই লিখি আছ চিঠি
         ইমান মৰমেৰে৷

বুজিলে তই খং কৰিলেও
         মৰমতেই কৰ
তোৰ খঙতো জ্বলে ৰূপহ ছবি
         সৌন্দৰ্য্যতেই আন এটা ৰূপ ধৰ৷

সেইহে মই সদায়ে তোৰ কৱি
তোৰ খঙতো জ্বলে ৰূপহ ছবি৷৷