নৱ জন-জীৱনৰ শিল্পী জাগ অ’

ৱিকিউৎসৰ পৰা


নৱ জন-জীৱনৰ শিল্পী জাগ অ’
নৱ মন কিৰণৰ শিল্পী জাগ অ’
            মোৰ মনে
            মোৰ প্ৰাণে জাগ অ’
            মনীষাত প্ৰতিভাত
                        জাগ জাগ অ’
                 তয়ে পৃথিৱীৰ আধাবুজা
            মোৰে মন সিজা ৷
            তয়ে জনবৃদ্ধ
            তয়ে গণবৃদ্ধ
                 অভিনৱ জ্ঞানৰে জনতাপ্ৰবুদ্ধ
            সাৰ্থক কৰ আজি
                 জাগ্ৰত জনতাৰ
                         মুক্তিকামী জয়যুদ্ধ ৷
এহাতেৰে গাণ্ডীৱ
                 সংহাৰ অস্ত্ৰ
                 হবি সশস্ত্ৰ
                         পিন্ধি নৱ নৱ বস্ত্ৰ
                               এহাতৰে কৰি যাবি
                                       বিকাশ কমলৰে
                                               চিৰসুন্দৰৰ পূজা
            তয়ে পৃথিৱীৰ আধাবুজা ৷৷