নাৰায়ণ কে গুণ জানব তোই

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক


                               ।। ৰাগঃ ধনশ্ৰী।। তালঃ পৰি।।

                            ধ্ৰুং।। নাৰায়ণ কেগুণ জানৱ তোই।
                                    কৰহু কৰুণা নাথ অধম মোই।।

                            পদ।। সহস্ৰ বয়নে গুণ গাৱত ভিনভিন
                                   বয়নে কৰত বখানা।
                                   তোহাৰি নাম গুণ যশ মহিমাক
                                   তবহু অন্ত নাহি জানা।।
                                   মহামুনি চতুৰ বয়ন সুৰ শঙ্কৰ
                                   মোহিত যাকেৰি মায়া।
                                   চাৰি বেদ বিচাৰ কয় আৱত
                                   যাকেৰি অন্ত নপায়া।।
                                   সনক সনাতন আদি যোগীগণ
                                   যাকেৰি মহিমা নজানা।
                                   হামু মূৰুখমতি কেমনে জানব হৰি
                                   গতি তুহু মাধৱ গানা।।