তোৰ থাপনাত চকুলো এটুপি

ৱিকিউৎসৰ পৰা
Jump to navigation Jump to search
তোৰ থাপনাত চকুলো এটুপি
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


তোৰ থাপনাত চকুলো এটুপি থলোঁ
            তই আহিবি বুলি, বাটচায়ে ৰ’লোঁ৷
চকুপানীটুপি, বিয়পি মিলি গ’ল
            ধূপৰ গোন্ধৰ সতেই উৰি
                        সি ক’ৰবালে’ গ’ল
            সেই থাপনাত আছিল জ্বলি চাকি
তাৰ পোহৰে কোঠাত দিছিল
            জিক্‌মিক্‌বোৰ আঁকি
            আছিল জ্বলি চাকি৷
সেই দিঠকে সপোনৰ মোৰ ধৰে
এই পৃথিৱীৰ ঘোৰ দিঠকো
                        সপোন হৈয়েই
            মোৰ গানে কবিতাই ফুৰে৷