তিৰঙ্গা নিচান বিজয়ী নিচান

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক


তিৰঙ্গা নিচান
বিজয়ী নিচান
সসাগৰা পৃথিৱীৰ ধ্ৰুবজ্যোতি তই
            আলোকিছ ভাৰত বিমান৷

সমৰৰ শক্তি
দলিতৰ মুক্তি
ক্ষুধিতৰ ত্ৰাণ
            তিৰঙ্গা নিচান
            বিজয়ী নিচান
            কোটি কোটি কণ্ঠে
            হব তোৰ জয় গাণ
            কোটি কোটি হব বলিয়ান৷

বিশ্ব বিমুগ্ধ
সত্যৰ যুদ্ধ
            দীপ্ত কৰিছে হিন্দুস্থান
মুক্তিকামীৰ আজি
সাম্য শান্তিৰ
            ক্ৰান্তিৰ অভিযান৷

নমো নমো নমো
            নৱ মানৱৰ
                        নৱ ভাৰত প্ৰাণ
            তিৰঙ্গা নিচান
            বিজয়ী নিচান৷৷