গাঁওখনি মোৰ ধুনীয়া

ৱিকিউৎসৰ পৰা
Jump to navigation Jump to search

গাঁওখনি মোৰ ধুনীয়া

গাঁওখনি মোৰ গুণীয়া

            মৰমতে মৰোঁ

            সেউজী আঁচল ধৰো ৷


গাঁওখনিকেই ভাবি ভাবি

কত সপোন ৰচোঁ... দুখ বেজাৰত

            গাঁওখনিৰেই

                        মু’খনি চাই

                                    চকুৰ পানী মচোঁ ৷


মোৰ গাঁওখনি অ’, মোৰ মাওজনী অ’

            তৰাতকৈও

            জোনতকৈও

            আকাশী চৰগতকৈও ভাল

            ৰাতিপুৱাই বকুল সৰে, কপৌটিয়ে

                                    নাচোন ধৰে ৷


দুৱৰিত শেৱালি পৰে

            আমোল মোলাই

            সোণসন্ধিয়া গধূলি গোপাল ৷৷