কৃপাবৰ বৰুৱা

by লক্ষ্মীনাথ বেজবৰুৱা

’চনেট’

কৃপাবৰ বৰবৰুৱা মহা ধনুৰ্দ্ধৰ|
বৰ পেট টিকনিৰ মূৰ লৰফৰ||
সুদৰ্শন হাতে বিষ্ণু, শূল হাতে ভোলা|
মহেন্দ্ৰৰ বজ্ৰ, কৃপাৰ কাকতৰ টোপোলা||
অসম গৈৰৱ-ভানু কৃপা কল্পতৰু|
কলেৱৰ শ্যাম যেন ভাত-ৰন্ধা চৰু||
চৈধ্য ফকীয়া কবি কৃপা তয়াময়া ৰণে|
নিজৰ জীৱন কাব্য নিজে নিজে ভণে||
এডলীয়া কচুৰ জাল মাকে খাইছিল|
দুষ্টৰ পিঠিত কৃপা নিত্যে থিয়াকিল||
অন্যায়লৈ নগা-যাঠি ন্যায়লৈ কলচী|
কানি ভাং লাওপানী বহায় দকচি||
বাহুবলী বৰবৰুৱা চিন্তে পৰৰ ইষ্ট|
নোৱাৰি মিলাব পদ কৰে ”হেষ্টনেষ্ট”||