কাৰ অন্ধ চকুত

ৱিকিউৎসৰ পৰা
Jump to navigation Jump to search

<poem>

কাৰ অন্ধ চকুত
         জ্বলিছে দিব্যমণি

গন্ধবিভোৰ কোন বলিয়াই

         আঁউসী নিশা
         লেখ লেখিছে
                  তৰা গণি গণি
                  জ্বলিছে দিব্যমণি ৷


কোন নোপোৱাই ওআইছে সোণৰ খনি

খুদ বিচৰা কোন ভিকহুৰ

         স্বপ্নত মিলে ননী ৷


আজি, মৰুভূমিৰ শুকান বালিত

         ফুলিছে গোলাপ পাহি

চিৰ বেজাৰৰ

         ওঁঠত জিলিকে
                  আগেয়ে নোপোৱা হাঁহি

সুৰৰ গানৰ

         মোল নুবুজাই
                  বজাই মোহন বাঁহী

জগত উঠে হাঁহি ৷৷