ইমান ছবি অকলৈয়ে তই

ৱিকিউৎসৰ পৰা
Jump to navigation Jump to search
ইমান ছবি অকলৈয়ে তই
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত

ইমান ছবি অকলৈয়ে তই

        কেনেকে’ আঁকিলি


ইমান তৰা আকাশে আকাশে

        কেনেকে’ লিখিলি ?


ইমান প্ৰাণৰ বিৰাট মেলা

        কেনেকে’ পাতিলি


শেষ নোহোৱা ধেমালিলে’

        মোকো মাতিলি


ৰূপে ৰূপে যাওঁ, মই জ্বলি জ্বলি

        অৰূপত তই জ্বলিছ উজলি


ৰূপ অৰূপ বিজুলি খেলা

        বিনন্দীয় বিশ্বমেলা ৷৷