আৰু তো নিলিখোঁ পদুমকলিৰ

ৱিকিউৎসৰ পৰা
Jump to navigation Jump to search
আৰু তো নিলিখোঁ পদুমকলিৰ
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত

আৰু তো নিলিখোঁ পদুমকলিৰ

        কবিতা মই সখি

আৰুতো নাচাওঁ পদুম কলিৰ

        পাহিবোৰ লেখি লেখি ৷


আজি মই গান

        বোকাত জহি যোৱা

                মানুহৰ জয়গান

                        কঁপাই জনৰ প্ৰাণ,


যি প্ৰাণৰ অভ্যুদয়ে

        নোহোৱা নোপজা

                সমাজ গঢ়িব,

        মহাজীৱনৰ সপোন ৰচিব

        মানুহ কৰি সঁচা মানুহ

        মহা আলোকৰ বাটে বাটে

                কৰিব অভিযান,

সেই, মানুহ প্ৰাণৰ পদুম ফুলাৰ

                গাম অভিনৱ গান ৷৷