আজি জাগা মোৰ মাতৃ

ৱিকিউৎসৰ পৰা

আজি জাগা মোৰ মাতৃ

জাগা আজি জোনাকী বাটৰ যত

        শকতিৰূপিনী আৱিযাত্ৰী ৷


আন্ধাৰৰ সতে শেষ সংগ্ৰামৰ বাবে

        জাগা জননী জাতি...

            প্ৰালয়িকী ছন্দে...


অভিনৱ জীৱনৰ

        সুৰ লয় তালে মানে

        আলোকময়ী গানে গন্ধে ৷


জাগা নৱ ভাৰতৰ

জাগা নৱ অসমৰ

        উদ্ধোধিতা জন মাতৃ,

সংস্কৃতি সৱিতাৰে

        পোহৰাই নৱীন ধৰিত্ৰী ৷


বাট দেখুৱাই বলা

        নিখিল পৃথিৱীকে

পুন্যভূমি ভাৰতৰ

জ্ঞানাৰুণ জ্যতিস্নাতা

        জোনাকী বাটৰ অভিযাত্ৰী....

        জাগা নৱ জীৱনৰ

            অভিনৱ মাতৃ ৷৷