আজি জন-জীৱনৰ সাৰ পোৱা

ৱিকিউৎসৰ পৰা
Jump to navigation Jump to search
আজি জন-জীৱনৰ সাৰ পোৱা
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত

আজি জন-জীৱনৰ সাৰ পোৱা আশাই

        প্ৰকাশ বিচাৰে মোৰ ভাষায় ভাষায় ৷


সেই আশা বিজুলী প্ৰবাহ

        মই লিখা শবদত বয়,

সেইহে কবিতা মোৰ হ’ল অগ্নিময় ৷


সেই বিজুলিয়ে        জিলিকাই আজি

        অযুত অযুত চাকি

         পৃথিৱীৰ ঘৰেঘৰে

জন প্ৰগতিৰ        ৰথৰ চক্ৰ

        সেই বিজুলিৰে ঘূৰে ৷

         ভৱিস্য জয় কৰে ৷


        প্ৰাণত কম্প তোলে

            মহা জনতাৰ

সেই বিজুলীয়ে আজি হানি হানি

              বজ্ৰাঘাত

ভাঙি দিয়ে হিমালয় মহা জড়তাৰ ৷