আজি জনতাৰ থাপনাত

ৱিকিউৎসৰ পৰা
Jump to navigation Jump to search
আজি জনতাৰ থাপনাত
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত

আজি জনতাৰ থাপনাত

            জাগ চিৰসুন্দৰ

তই নচা ছন্দৰে

            জনতাৰ অন্তৰ

            কঁপাই কঁপাই জগা

            বিশ্বৰ নৱতম তন্ত্ৰৰ

                        উদ্ধোধনী

            মই গাওঁ গানে গানে

                        আগমনী ৷


জানো

জানো তই আহিবি

জানো

জানো তই হাঁহিবি

        জাগ্ৰত জনতাৰ

            চোতালে চোতালে তই

                নাচি ফুৰিবি

        মোৰ কবিতাত তোৰ আগজাননী

        তোক আদৰিবলে’

            তোক সাদৰিবলে’

                সাজু যত নৱবাহিনী ৷