এই পৃষ্ঠাটোৰ বৈধকৰণ হৈছে
(৮৬)
জলবিম্ব নৰৰ জীৱন,
কালি আছে আজি নাই
অনিশ্চিত সকলো ধৰাত।
সুগ্ৰীৱ অঙ্গদ দুয়ো
শোকাকুল সন্তপ্ত পুৰাণ
ধৈয্য ধৰি দিয়া তুমি দুইকো প্ৰবোধ।
প্ৰতিজ্ঞা ৰামৰ—
নোসোমায় জন পূৰ্ণ প্ৰজাৰ নগৰ
সেই হেতু অনুচৰ ৰূপে
পাঁচিলে ৰাঘৱে মোক
দিবলৈ তোমাক প্ৰবোধ।
তাৰা। জানো মই ৰঘুপতি পৰম ধাৰ্ম্মিক;
শুনিছোঁ ৰামৰ কীৰ্ত্তি
কিন্তু কৰিলে ৰাঘৱে পাপ
বধ কৰি স্বামীক মিছাতে॥
জনাবা ৰামক মোৰ
প্ৰণিপাত ভক্তিৰ শৰণ;
কিন্তু কৰিলে অনাখা মোক
কৰিলে বঞ্চিত
চিৰকাল স্বামীৰ সুখৰ পৰা,
