এই পৃষ্ঠাটোৰ বৈধকৰণ হৈছে
( ৭৫ )
বধি মোক ব্যাধ হ’লা ক্ষত্ৰিয় কুলৰ;
তোমাৰ দুৰ্ণাম শুনি ক্ষত্ৰিয় সমাজে
তিৰস্কাৰ কৰিব তোমাক;
নশ্বৰ শৰীৰ, নাশ হ’ব
নাই কৰা সেই বাবে খোদ
কোৱা ৰঘুমণি কিয় তুমি
কৰিলা অনীতি এনে নিৰ্দ্দোষী জনক?
ৰাম৷ মহামতি, বেদশাস্ত্ৰ বিদিত তোমাৰ,
তথাপিও কিয় মোক কৰা তিৰস্কাৰ?
জন্ম মোৰ ৰজাৰ কুলত
বশবৰ্ত্তী ভৰত ৰজাৰ
বাধ্য মই ৰাজ-ধৰ্ম্ম পালিবৰ বাবে।
ধৰ্ম্ম এৰি লোভিছিলা ভাতৃবধু তুমি,—
ভাতৃবধু ভাগিনীক লোভ কৰে যেয়ে
দণ্ড তাৰ নিতান্ত মৰণ,—
সেইবাবে প্ৰাণদণ্ড কৰিলোঁ তোমাক;
অযোধ্যাৰ অধিপতি পতি জগতৰ
দণ্ড দিলোঁ ৰজাৰ নামেৰে
সেই হেতু কদাপিও পাপত নপৰোঁ
ক’ব পাৰা,—বধিলোঁ তোমাক মই
