এই পৃষ্ঠাটোৰ বৈধকৰণ হৈছে
( ৫৯ )
লক্ষ্মণ৷ লাগিছে মনত যেন
জয় হব সুগ্ৰীৱৰ অজি,
ৰাঘৱৰ চিৰকীৰ্ত্তি
কিস্কিন্ধ্যাত থাপিত থাকিব।
হনুমন্ত আহে মানে
গই থাকো আমি,-চাই চাই
কাননৰ অপুৰ্ব্ব জেউতি৷
[সকলোৰে প্ৰস্থান ]
⸻০০⸻
তৃতীয় গৰ্ভাঙ্ক।
ৰাজ অন্তঃপুৰ।
তাৰা আৰু বালীৰ প্ৰবেশ।
⸻০০⸻
তাৰা। সবিনয়ে কৰোঁ নিবেদন,
নাই কাৰ্য্য অনাহক গৃহ কন্দলৰ৷
সুগ্ৰীৱ যথাৰ্থ যুবৰাজ
চিৰদিন এই প্ৰথা
আছে চলি তোমাৰ কুলত;
কৰা নাই সুগ্ৰীৱই একে অনাচাৰ,
চিন্তা নাই তোমাৰ মৰণ,
কেৱল ভ্ৰমত পৰি,—বুজিব নোৱাৰি,
