এই পৃষ্ঠাটোৰ বৈধকৰণ হৈছে
৩৮
দিহা নামৰ সম্ভাৰ
নিন্দাবাদ তৰ্ক অসূয়া তেজিয়া
লৈয়োক সাধু সংগতি॥
ঘোৰ কলিযুগে ভৈলা একাকাৰ
থিৰ বুদ্ধি কৰি দেখা।
চিত্ত বিত্ত পাত্ৰ সবে অপবিত্ৰ
মাথো মনুষ্যৰ বেশা॥
হেন জানি আন দুৰতে তেজিয়া
ভকতিক কৰা সাৰ।
শ্ৰৱণ কীৰ্ত্তনে সংসাৰ তৰে
মহা সুখে পাই পাৰ॥
জানিয়া কৃষ্ণৰ চিন্তিয়ো চৰণ
মুখে লোৱা কৃষ্ণ নাম।
কৈত কেতিক্ষণে মিলয় মৰণ
ডাকি বোলা ৰাম ৰাম॥
ভাঙণি ঘোষাঃ-
সপ্তবৈকুণ্ঠক আনি থৈলা মণিকুটে।
তত্বভেদি নাম লয় একান্ত ভকতে॥
পদঃ-
নমো নমো নাৰায়ণ আনাদি অনন্ত।
নিত্য নিৰঞ্জন পূৰ্ণব্ৰহ্ম ভগৱন্ত॥
প্ৰকৃতিতো পৰ পৰমাৰ্থ ৰূপদেৱ।
তোমাৰ চৰণে কৰো লক্ষ কোটি সেৱ॥