এই পৃষ্ঠাটোৰ বৈধকৰণ হৈছে
৩০
দিহা নামৰ সম্ভাৰ
তাঙ্ক এৰি কি কাৰণে আনক বোলয় গুৰু
কিনো লোক মহামূঢ়মতি॥
নজানে শাস্ত্ৰৰ নয় মোহি আহে তাকে কয়
ছেদিবাক নপাৰে সংশয়।
তথাপিতো গুৰু বোলাই লোকৰ মাজত ফুৰে,
মান্য সতকাৰ খুজি লয়॥
আগম নিগম তৰ্ক পুৰাণ বাৰত যত
ইতিহাস তন্ত্ৰ-মন্ত্ৰ-চয়।
হে হৰি তোমাতেসে, খেলাৱে কেৱল বদ
তোমাৰ মহিমা নজানয়।
ঐশ্চৰ্য ভোগৰ মদে মত্ত হুয়া ঈশ্বৰত
পৰামুখ ভৈল যিটোজনে।
যেন জীৰ্ণ গাই সিটো, দুৰ্ঘোৰ সংসাৰ মহা
পঙ্কে পৰি হোৱয় মগন॥
হৰি নাম ধ্বজ কৰি বেদ পথ পৰি হৰি
ফুৰে আতি পাষাণ্ডসকল।
ইহ পৰলোকে ভ্ৰষ্ট হুয়া পেট পুৰি মাত্ৰ
ফুৰে আতি পৰম নিস্ফল॥
ভাঙনি ঘোষাঃ-
শঙ্কৰে মাধৱে মহামন্ত্ৰ দিলে
নাম-বৃক্ষ-কল্পতৰু
হেন নাম বিনে আন পন্থ কহে
নুবুলিবা তাঙ্ক গুৰু॥