মাক আৰু সোণ

ৱিকিউৎসৰ পৰা
(মা, সোণৰ সাধু আৰুৰ পৰা পুনঃনিৰ্দেশিত)

মা, সোণৰ সাধু আৰু মোক নক’বি

মা, ৰূপৰ সাধু আৰু মোক নক’বি

মা, হীৰা-মণি-মুকুতাৰ সাধু নক’বি

                   মাটিৰ সাধুকথা ক,

                   কোলাতে বহুৱাই ল ৷



মা বোলে...

          সোণ ! ৰূপ, সোণ,

                   হীৰা আৰু মুকুতা-মণিৰ

                             যি সাধু কওঁ তোক

                                      সি সাধুও

                                      ধূলিৰ মাটিৰ ৷

          মাটিৰ পেটতে

                                      সেইবোৰ উপজিলে,

মাটিয়েই সপোনত

                             হীৰা-মণি মৰকত

                             সোণ-ৰূপ মুকুতা দেখিলে ৷

          মাটিয়েই নিজকেই

                             আপুনি সলাই

                             সোণ ৰূপ হীৰা হৈ

                                      আহিলে ওলাই

জিক্‌মিক্‌ পোহৰেৰে মানুহ ভুলাই ৷