এই পৃষ্ঠাটোৰ বৈধকৰণ হৈছে
কাষে চপাই দিয়া...
(লুইতৰ বুকুৰ মিচিং নাৱৰীয়াসকলৰ নামত উৎসৰ্গিত)
পৃথিৱীৰ মায়াবী জোনাকত তিতি
স্মৃতিৰ সৰাপাত বুকুত বান্ধি
ৰাস চাই এৰিলোঁ প্ৰাণৰ মাজুলী
প্ৰজ্ঞাৰ আলোকোজ্জ্বল তিনিটি গধূলি
উখল-মাখল নিমাতীঘাট
নাৱৰ পৰা পিছলিলোঁ অকস্মাৎ
তল-ওপৰ জীৱৰ মৰণ
কৰুণ কাতৰ আৰ্তনাদ
অ’ প্ৰিয়বন্ধু ৰতনপুৰৰ চিদানন্দ দাও
কাষে চপাই দিয়া টুলুঙা নাও
তুমি বিপদৰ ডল্ফিন দৈৱকী নন্দন
সত্য শিৱ সনাতন দ্বিতীয়জন।
এমুঠি বনকৰা কিংখাপ কবিতা।৫১