এই পৃষ্ঠাটোৰ বৈধকৰণ হৈছে
ফুল আলসুৱা কবিতাৰ কেঁচুৱা
কবিতা
কেনেকৈ লিখোঁ কবিতা
এই দুৰ্দিনত সাৰস্বত অলংকৃত
এমুঠি বনকৰা কিংখাপ কবিতা
ধাৰাৰ সান্নিপাতিক জ্বৰত
থক্ থক্কৈ কঁপিছে দ্ৰৌপদী পৃথিৱী
সাংখ্য দৰ্শনৰ সমীকৰণত
আচৰিত ধৰণে বন্দী মই
কবিতা মই লিখোঁ কেনেকৈ
সমস্ত পৃথিৱীচোন ধু-ধু মৰুভূমি
কেনেকৈ মেলিব ইয়াত কবিতাৰ গজালি
কোনে দিব সোণতৰা কবিতাৰ প্ৰস্তাৱ
যদি নাথাকে মাটি-পানী বায়ু
আৰু এক সতৃষ্ণ হৃদয়ৰ উত্তাপ
কত থ’বা ক’ত শুৱাবা
ফুল আলসুৱা কবিতাৰ কেঁচুৱা
জেগা বুলিবলৈ উশাহ ল’বলৈ
আছে জানো বাকী কিবা।
৫০।এমুঠি বনকৰা কিংখাপ কবিতা