এই পৃষ্ঠাটোৰ বৈধকৰণ হৈছে
২৪৫
গদাধৰ৷
নিদিবাঁ হুৰিব আগে আড়ম্বৰ কৰি।
প্ৰকৃতে সিজন হব পাৰে গদাপাণি।
যোৱাঁ এবে ঘৰাঘৰি, ভাবিবাঁ গুপুতে।
কালিৰ সভাত হৰ যুগুত আলচ;
কৰা যাব যিবা হয়।
(সকলোৰে প্ৰস্থান)
——★★★——
পঞ্চম গৰ্ভাঙ্ক।
⸻
বৰাগীৰ বহা।
⸻
গদা৷—কিভাৱে যাপিছোঁ দিন,
কিবা হলোঁ আজি! ক’ত মোৰ ৰাজ্যচিন্তা,
ক’ত আজি বৰাগী জীৱন! নাই আজি
ৰাজ-সাজ অস্ত্ৰ-শস্ত্ৰ, বীৰৰ আহিলা।
সলনিত ধৰিছোঁহি বৰাগী টোকাৰি!
যি বাহু ধাৰণ মোৰ শত্ৰু দলনত,
—গদাঘাত নপৰিলে সুত্ নলাগয়-
সি বাহু বৰ্ত্তিছে আজি, অৱশ শিথিল,
ভিখাৰী জোলোঙা বই! যি হাতে সততে